Sport fotosuratchisi Kristofer Xoren 7-mart kuni Twitter’dagi sahifasida Orlandoda bo‘lib o‘tgan beysbol uchrashuvidan olingan ikki fotosuratni e’lon qildi. Suratda o‘g‘lini beysbol tayog‘i zarbasidan qutqarib qolishga ulgurgan ota aks etgan, deya xabar bermoqda TJournal.
Fotosurat atigi bir necha soat ichida ikki ming marta retvit qilindi, G‘arb nashrlari esa “Ota o‘z o‘g‘lini beysbol tayog‘i zarbasidan qutqarib qoldi” sarlavhasi ostida o‘nlab xabarlarni chop etishga ulgurdi.
Keyinroq fotosurat qahramonlari Shon Kanningem va uning o‘g‘li Landon ekanligi ma’lum bo‘ldi. Shon o‘t o‘chiruvchi bo‘lib ishlaydi, o‘smirligida esa beysbol jamoasida o‘ynagan. Ajoyib reaksiyasi sabab, u bolaning yuzini kuchli zarbadan o‘z vaqtida muhofaza qilishga ulgurgan.Voqea bilan bog‘liq suratlar ketma-ketligi
8 yoshli Landon hayotida ilk bor beysbol uchrashuviga tashrif buyurgandi — bu imkoniyat unga tug‘ilgan kun sovg‘asi sifatida taqdim etilgandi.
O‘yin vaqtida tayoq “Pittsburg Payrets” jamoasi o‘yinchisining qo‘lidan chiqib ketib, tomoshabinlar tomon ucha boshlagan. Bu vaqtda Landon e’tiborini telefonga qaratib, onasiga uchrashuv fotosuratlarini Facebook orqali yo‘llashga harakat qilayotgan edi.
Hodisadan so‘ng Shon Kanningem televideniyedan bir necha taklif oldi, internet foydalanuvchilari esa bir qator hazil fotosuratlarni tayyorladi.
Matritsa: Oramizdagi tanlangan
Sehrgarlik yordamida o‘z atrofida muhofaza doirasini yaratishga urinayotgan erkak
Hammayoqda beysbol tayoqlari
Yulduzlar jangi: Sitxlar qasosi
Ko‘rshapalak va uchayotgan beysbol tayog‘i ingliz tilida bir xil jaranglaydi: “flying bat”
San’at asaridan lavha
Qizil futbolkadagi yigit
Bu o‘yin vaqtida tayoq beysbolchining qo‘lidan chiqib ketib, tomoshabinlar tomon uchib borishi bilan bog‘liq birinchi holat emas. Bunday vaziyatlar sabab muntazam ravishda yangi fotohazillar, beysbol bilan bog‘liq mahalliy memlar paydo bo‘ladi.
Izoh (0)