Vazirlar Mahkamasi qarori (pdf) bilan Pasport-viza rejimiga rioya qilish tartibi mustahkamlanganligi va uy-joy fondidan foydalanish tartibga solinishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritildi, deya xabar bermoqda “Norma.uz”.
Vaqtinchalik bir martalik ish bilan ta’minlash markazi to‘g‘risidagi namunaviy nizomda endi boshqa mintaqalardan kelgan fuqarolar uchun vaqtinchalik bir martalik ish bilan shug‘ullanish huquqini beruvchi guvohnoma berilishi belgilab qo‘yildi.
Ushbu guvohnoma Qoraqalpog‘iston Respublikasi va viloyatlarda vaqtinchalik ro‘yxatdan o‘tish muddatiga, shuningdek, Toshkent shahri va Toshkent viloyatida vaqtincha hisobga olish muddatiga beriladi. Bunda guvohnoma muddati olti oydan ortiq bo‘lishi mumkin emas.
Guvohnoma olish uchun fuqaro Vaqtinchalik bir martalik ish bilan ta’minlash markaziga:
- ariza;
- asl nusxa ko‘rsatilgan holda pasportning nusxasi;
- 3×4 sm o‘lchamli to‘rtta fotosurat;
- belgilangan shakl bo‘yicha to‘ldirilgan so‘rovnoma taqdim etishi kerak.
Izoh (0)