News Corporation mediaxoldingi egasi, 84 yoshli Rupert Myordok va sobiq supermodel, 59 yoshli Jerri Xoll Londonda nikohdan o‘tdi. Bu haqda “TASS” xabar bermoqda.
OAV xabariga ko‘ra, marosimda 100 ga yaqin mehmonlar, jumladan, siyosatchilar va shou-biznes yulduzlari, juftlikning oldingi turmushlaridan bo‘lgan 10 nafar farzandlari ishtirok etgan.
Avstraliya va AQSh fuqarosi bo‘lgan Myordok amerikalik Xoll bilan o‘tgan yil yozida yashil qit’ada tanishgandi. Yanvar oyida esa Times juftlik unashtirilganini e’lon qildi.
Myordok uch bor uylangan, uning Vendi Deng bilan so‘nggi nikohi 2013-yilda bekor qilingandi. Xoll The Rolling Stones guruhi xonandasi Mik Jagger bilan 22 yil birga yashagan, undan to‘rt nafar bolasi bor.
Izoh (0)