Chexiya prezidenti Turkiyaga muhojirlar uchun 3 mlrd yevro ajratilishiga qarshi chiqdi

Yevroittifoq Turkiya hukumatiga muhojirlar muammosini yechish uchun 3 milliard yevro ajratmasligi kerak. Bunday bayonot bilan Chexiya prezidenti Milosh Zeman chiqish qildi, deb yozadi “Gazeta.ru”.

“Turkiyaga u muhojirlarni o‘z hududida tutib turishi uchun milliardlab yevro berishga qat’iy tarzda qarshilik bildiraman, chunki Turkiya ushbu muhojirlarni nimadir qilishga qodir emas va buni istamaydi ham”, — dedi u.

U, shuningdek, Yevroittifoqning barcha tashqi chegaralarini samarali ravishda qo‘riqlash g‘oyasini qo‘llab-quvvatladi, qochoqlar YeIdan rad javobi olgach, Bolqon mamlakatlariga qaytib ketishi haqidagi taxminlarni esa “soddalik” deb atadi.

Nashr eslatishicha, avvalroq YeI mamlakatlari Turkiyaga muhojirlik inqiroziga qarshi kurash uchun 3 milliard yevro ajratishni ma’qullagan edi.