Ichida Polsha prezidenti Anjey Duda bo‘lgan avtomobil yo‘l-transport hodisasiga uchradi: davlat rahbarining BMW mashinasi orqa g‘ildiragi portlab, avtomobil yo‘l chekkasiga chiqib ketdi. Bu haqda “Korrespondent.net“ xabar bermoqda.
YTH tufayli ikki kilometrga cho‘zilgan tirbandlik paydo bo‘ldi. Dudaning o‘zi jabr ko‘rmagan. “Avtomobilni ma’lum muddat boshqarib bo‘lmay qoldi, lekin hukumat qo‘riqlash xizmati haydovchisi o‘zini professional tomondan ko‘rsatdi. U harakatni nazoratiga oldi va biz na yo‘l chetidagi to‘siq, na boshqa avtomobillarga urildik”, — deya hikoya qilgan prezident.
Hodisadan so‘ng Duda boshqa avtomobilga o‘tgan va kortej yo‘lida davom etgan. Uning xizmat mashinasi maxsus tekshiruvdan o‘tishi ma’lum qilindi.
Izoh (0)