4-martning e’tiborga molik yangiliklari — “Daryo”ning kechki dayjestida.
1. “O‘zgidromet”: Yakuniga yetgan qish meteorologik kuzatuvlar tarixidagi eng ilig‘i bo‘ldi. Xabar berishlaricha, havo harorati ushbu faslning me’yordagi ko‘rsatkichlaridan Selsiy bo‘yicha 4,2 darajaga balandroq bo‘lgan.
2. Fransua Olland va Devid Kemeron Rossiya hamda Suriya rasmiylarini muxolifatga qarshi hujumlarni to‘xtatishga chaqirdi. Avvalroq Suriya muxolifati rasmiy Damashqni o‘t ochishni to‘xtatish tartibini buzishda ayblagani to‘g‘risida xabar berilgandi.
3. Pentagon KXDRning yadro qurolini yo‘q qilishga tayyorligini bildirdi. O‘z navbatida, Shimoliy Koreya BMT Xavfsizlik Kengashi rezolyutsiyasini “gangstercha hujjat” deb atadi.
4. Hillari Klinton, agar prezidentlikka saylansa, NUJ haqidagi materiallarni oshkor qilishga va’da berdi. 2015-yilning dekabrida Klinton xonim NUJ bilan bog‘liq sirlarning oxiriga yetib borishni niyat qilganini tan olgan edi.
5. Kanada 80 yil ichida birinchi marta oltin zaxiralarisiz qoldi. Kanadaning oltin zaxirasi fevral oyi davomida sotib bitirildi va nol ko‘rsatkichgacha tushib ketdi.
Izoh (0)