4 мартнинг эътиборга молик янгиликлари — «Дарё»нинг кечки дайжестида.
1. «Ўзгидромет»: Якунига етган қиш метеорологик кузатувлар тарихидаги энг илиғи бўлди. Хабар беришларича, ҳаво ҳарорати ушбу фаслнинг меъёрдаги кўрсаткичларидан Цельсий бўйича 4,2 даражага баландроқ бўлган.
2. Франсуа Олланд ва Дэвид Кэмерон Россия ҳамда Сурия расмийларини мухолифатга қарши ҳужумларни тўхтатишга чақирди. Аввалроқ Сурия мухолифати расмий Дамашқни ўт очишни тўхтатиш тартибини бузишда айблагани тўғрисида хабар берилганди.
3. Пентагон КХДРнинг ядро қуролини йўқ қилишга тайёрлигини билдирди. Ўз навбатида, Шимолий Корея БМТ Хавфсизлик Кенгаши резолюциясини «гангстерча ҳужжат» деб атади.
4. Ҳиллари Клинтон, агар президентликка сайланса, НУЖ ҳақидаги материалларни ошкор қилишга ваъда берди. 2015 йилнинг декабрида Клинтон хоним НУЖ билан боғлиқ сирларнинг охирига етиб боришни ният қилганини тан олган эди.
5. Канада 80 йил ичида биринчи марта олтин захираларисиз қолди. Канаданинг олтин захираси февраль ойи давомида сотиб битирилди ва нол кўрсаткичгача тушиб кетди.
Изоҳ (0)