2-martning e’tiborga molik yangiliklari — “Daryo”ning kechki dayjestida.
1. Germaniyada fevral oyida qochoqlar kelishi sezilarli ravishda kamaygani qayd etildi. Mamlakatga fevralda 61 428 nafar qochoq kelgan, yanvarda esa bu ko‘rsatkich 91,5 ming kishidan ziyod bo‘lgan.
2. Sanders Oklaxomadagi, Klinton Arkanzasdagi praymerizda g‘alaba qozondi. Ted Kruz esa Alyaskada bo‘lib o‘tgan kokusda Donald Trampni ortda qoldirdi.
3. Apple bosh huquqiy maslahatchisi Telegram’ni mutlaqo buzib bo‘lmaydigan va zararli deb atadi. Dasturning mutlaqo buzilmasligini bilarkan-u, nomini yaxshi bilmas ekan — Syuell Telegram’ni adashtirib bir necha bor Telegraph deb atadi.
4. Maradona: Infantino — xoin, u Platini va Blatterning barcha xatlari haqida bilgan. FIFAning yangi prezidenti esa futbol bo‘yicha jahon chempionati ishtirokchilari sonini 40 tagacha ko‘paytirish kerakligini ta’kidlashdan charchamayapti.
5. Lola: kiyinishim kimgadir xalal berayotgan bo‘lsa, ulardan uzr so‘rayman. Aytishicha, litsenziyasi qaytarib berilishi uchun Lola “O‘zbeknavo”dan kechirim so‘ragan.
Izoh (0)