Viavi kompaniyasi Toshkentda “Yangi avlod aloqa tarmoqlarini sinovdan o‘tkazish va monitoring qilish. Mis, optik kabellar orqali hamda uyali aloqa tarmoqlaridagi aloqalar sifatining asosiy parametrlari. AQSh va Yevropa operatorlari tomonidan 100 Gb/soniya transport tarmoqlari orqali taqdim etilayotgan xizmatlar” mavzusida seminar o‘tkazdi. Bu haqda “Infocom.uz” xabar bermoqda.
Tadbir davomida kompaniyaning aloqa tarmoqlarini qurish, sinovdan o‘tkazish, foydalanish va monitoring qilish uchun uskunalar bo‘yicha yechimlari ko‘rib chiqildi. Unda O‘zbekistonning telekommunikatsiyalar sohasidagi kompaniyalari top-menejerlari va rahbarlari ishtirok etdi.
Viavi Solutions xalqaro konserni (2015-yil avgustigacha JDSU deb atalgan) aloqa tarmoqlarini ishga tushirish va optimallashtirish, shuningdek, kommunikatsiyalar sohasidagi xizmatlar sifatini yaxshilash uchun tizimli yechimlar bilan ta’minlash bo‘yicha ishlab chiqaruvchidir.
Izoh (0)