Эрон ядро дастури бўйича «олтилик» билан келишув доирасида ўз зиммасига олган мажбуриятларни бажармоқда. Бу ҳақда МАГАТЭ маърузасида маълум қилинган, дея хабар беради «Интерфакс».
Ташкилотнинг билдиришича, мамлакатда уран 3,67 фоиздан зиёд бойитилмаган, унинг захиралари «олтилик» билан келишилган ҳажмдан ошмаган. Центрифугалар миқдори бўйича ҳам камчиликлар аниқланмаган. Аракдаги ядро объектида қурилиш олиб борилаётгани аломатлари сезилмаган.
Маърузада МАГАТЭ инспекторлари Эронда текширувларни дастлабки огоҳлантиришларсиз ўтказиш имконини берувчи янги қоидалар асосида ҳаракат қилгани таъкидланган. Бу халқаро ташкилотнинг 2016 йил 16 январда «олтилик» ва Теҳрон ўртасида Эрон ядро дастури бўйича келишув кучга кирганидан бери эълон қилган биринчи маърузаси ҳисобланади.
Изоҳ (0)