Xitoyning Shandun provinsiyasi Jitszao shahrida yashovchi 66 yoshli Chjan Deyan ismli erkak motam marosimini sahnalashtirish uchun 16 ming yuan (2,5 ming dollar) pul sarfladi, deb yozadi TJournal.
Mahalliy OAVlar yozishicha, u o‘zining soxta dafn marosimiga 50 nafar qarindoshini chaqirgan, biroq ulardan 20 nafari kelgan, xolos. Ammo marosimga taklif etilmagan bo‘lsa-da, qo‘shni qishloqlardan ko‘plab kishilar tashrif buyurgan, bu xitoylikni xursand qilgan.
Chjan Deyan marosimning qoq o‘rtasida unga duo o‘qib o‘tirgan mehmonlar qarshisiga chiqib, barchani hayratda qoldirdi.
Ushbu hiylani amalga oshirish uchun Deyan puxtalik bilan tayyorlandi. U o‘z qabr toshini 2008-yildayoq yasattirib qo‘ygan edi, biroq soxta marosim uchun u marhum ayol bilan qalbaki nikoh tuzdi, chunki Xitoyda so‘qqabosh holatda vafot etish omadsizlik deb hisoblanadi.
Izoh (0)