Dog‘istonda qo‘lga olish vaqtida huquqni muhofaza qilish organlari xodimlariga qarata o‘q uzgan ikki bosqinchi yo‘q qilindi, deb xabar beradi “Interfaks”.
“Rossiya FXX va IIVning maxsus bo‘linmalari Suleyman-Stalskiy tumanidagi Nyutyug qishlog‘ida ikki bosqinchini aniqladi, qo‘lga olish vaqtida ular huquqni muhofaza qilish organlari xodimlariga qarata o‘t ochdi. Qisqa muddatli otishmadan so‘ng ular yo‘q qilindi”, — deb ma’lum qildi Milliy aksilterrorchilik qo‘mitasi.
Aksilterrorchilik qo‘mitasi ma’lumotlariga ko‘ra, otishma yuz bergan hududdan avtomat, to‘pponcha va o‘q-dorilar topilgan.
“Huquq muhofazachilari shaxsiy tarkibida yo‘qotishlar va mahalliy aholi orasida jabrlanganlar bo‘lmadi”, — deyiladi MAQ axborotida.
Eslatib o‘tamiz, 17-fevral, chorshanba kuni Dog‘istonning uch tumanida, shu jumladan, Suleyman-Stalskiyda ham aksilterrorchilik operatsiyasi tartibi joriy etilgandi.
Izoh (0)