Доғистонда қўлга олиш вақтида ҳуқуқни муҳофаза қилиш органлари ходимларига қарата ўқ узган икки босқинчи йўқ қилинди, деб хабар беради «Интерфакс».
«Россия ФХХ ва ИИВнинг махсус бўлинмалари Сулейман-Стальский туманидаги Нютюг қишлоғида икки босқинчини аниқлади, қўлга олиш вақтида улар ҳуқуқни муҳофаза қилиш органлари ходимларига қарата ўт очди. Қисқа муддатли отишмадан сўнг улар йўқ қилинди», — деб маълум қилди Миллий аксилтеррорчилик қўмитаси.
Аксилтеррорчилик қўмитаси маълумотларига кўра, отишма юз берган ҳудуддан автомат, тўппонча ва ўқ-дорилар топилган.
«Ҳуқуқ муҳофазачилари шахсий таркибида йўқотишлар ва маҳаллий аҳоли орасида жабрланганлар бўлмади», — дейилади МАҚ ахборотида.
Эслатиб ўтамиз, 17 февраль, чоршанба куни Доғистоннинг уч туманида, шу жумладан, Сулейман-Стальскийда ҳам аксилтеррорчилик операцияси тартиби жорий этилганди.
Изоҳ (0)