Rossiyaning Ebola bezgagiga qarshi vaksinasi salkam yarim yildan beri muvaffaqiyatli ravishda odamlarda klinik sinovdan o‘tkazilmoqda. Bu haqda Rossiya sog‘liqni saqlash vaziri Veronika Skvorsova ma’lum qilgan, deya xabar beradi “Interfaks”.
“Biz besh oydan beri emlanganlarni kuzatib boryapmiz, ularning qoni zardobi laboratoriya sharoitida virusni to‘liq bartaraf etmoqda. Hozirda Gvineya va G‘arbiy Afrikaning boshqa mamlakatlari vaksinamizni sinovdan o‘tkazishga tayyor”, — deya ta’kidlagan Skvorsova.
Vazirning ta’kidlashicha, Rossiya delegatsiyasi 15-fevralda Jenevada vaksina taqdimotini o‘tkazgan. Mazkur preparat AQSh va Yevropa farmakalogiya kompaniyalari vaksinalari qatorida solishtirma tekshiruvlarda ishtirok etadi. Ayni paytda dunyoda Ebolaga qarshi turli darajadagi tayyorgarlik bosqichida bo‘lgan uchta preparat mavjudligi bildirilgan.
Izoh (0)