Epidemiya mavsumi boshlanganidan (2015-yil sentabri oxiri) to bugunga qadar Ukrainada 292 ta gripp va uning asoratlaridan o‘lim holati qayd etildi. Nobud bo‘lganlardan 4 nafari 17 yoshgacha bo‘lgan bolalar va ikki nafari homilador ayollardir. Bu haqda mamlakat sog‘liqni saqlash vazirligi matbuot xizmati ma’lum qilgan, deya xabar beradi “Segodnya.ua”.
Eng ko‘p o‘lim holatlari Odessa viloyati (40), Kiyev shahri (34), Cherkass (20), Donetsk (19) va Lvov (18) viloyatlarida kuzatilgan.
Epidemiya boshlanganidan beri Ukrainada 3,8 million kishi yoki aholining 9,6 foizi gripp bilan og‘rigani bildirilmoqda. Bu o‘tgan yilgi epidemiya mavsumiga solishtirganda 46,1 foizga ko‘p.
Izoh (0)