Rossiyada o‘tgan yili odam immunitet tanqisligi virusidan (OIV) 2014-yilga nisbatan 13 foiz ko‘p kishi nobud bo‘lgan. Bu haqda OITS profilaktikasi va unga qarshi kurash federal ilmiy-metodik markazi rahbari, akademik Vadim Pokrovskiy ma’lum qildi, deya xabar beradi “RIA Novosti”.
“Shu kungacha 1 million 6388 nafar rossiyalikda OIV infeksiyasi qayd etilgan. O‘tgan haftaning o‘zida 1,5 mingta yangi holat kuzatilgan”, — deya ta’kidlagan Pokrovskiy.
Akademikning bildirishicha, kuzatuvlar davrida Rossiyada OIV infeksiyasidan jami 212 579 kishi olamdan o‘tgan, ulardan 27564 kishi o‘tgan yili o‘lgan.
Izoh (0)