Rossiya va ba’zi OPEK (Neftni eksport qiluvchi mamlakatlar tashkiloti) mamlakatlari, xususan, Saudiya Arabistoni o‘rtasida neft narxini joriy yil yanvari darajasida saqlab qolish haqidagi kelishuv Rossiya va Saudiya Arabistoni Suriya bo‘yicha bitimga kelganini taxmin qilish uchun asos bo‘la olmaydi. Bu haqda Rossiya prezidenti matbuot kotibi Dmitriy Peskov aytib o‘tdi, deb yozadi “RIA Novosti”.
“Bular turli substansiyalar. Ushbu holatda gap energiya manbalarining jahon bozori haqida bormoqda, Rossiya va Saudiya Arabistoni dunyodagi eng yirik neft ishlab chiqaruvchilar va qazib chiqaruvchilar bo‘lgani tufayli, ular o‘z manfaatlariga rioya qilinishi mavzusida muzokaralar olib borishi tabiiy hol. Ikkala tomon ham tabiiy ravishda bunday muzokaralarga qiziqish bildirdi”, — dedi Peskov jurnalistlarga.
Avvalroq Saudiya Arabistoni va Rossiya dunyo bozorida neft xomashyosi keragidan ortiq bo‘lib ketgani tufayli, neft qazib chiqarish hajmini qotirib qo‘yishga kelishib olgan edi.
Izoh (0)