Россияда ўтган йили одам иммунитет танқислиги вирусидан (ОИВ) 2014 йилга нисбатан 13 фоиз кўп киши нобуд бўлган. Бу ҳақда ОИТС профилактикаси ва унга қарши кураш федерал илмий-методик маркази раҳбари, академик Вадим Покровский маълум қилди, дея хабар беради «РИА Новости».
«Шу кунгача 1 миллион 6388 нафар россияликда ОИВ инфекцияси қайд этилган. Ўтган ҳафтанинг ўзида 1,5 мингта янги ҳолат кузатилган», — дея таъкидлаган Покровский.
Академикнинг билдиришича, кузатувлар даврида Россияда ОИВ инфекциясидан жами 212 579 киши оламдан ўтган, улардан 27564 киши ўтган йили ўлган.
Изоҳ (0)