Ispaniya chempionatining 24-turi doirasida “Barselona” va “Selta” o‘rtasida o‘tkazilgan uchrashuvdan (6:1) keyin mag‘lub jamoaning ayrim sobiq futbolchilari “Barsa” hujumchisi Neymarning xatti-harakatlariga norozilik bildirdi. Bu haqda “Chempionat” xabar bermoqda.
Marca nashrining yozishicha, Neymarning fintlari tufayli “Selta” o‘yinchilari o‘zlarini kamsitilgandek his etgan. Ayniqsa, yarim himoyachi Xosep Senye ustidan to‘pning oshirib o‘tilishi juda haqoratli harakat bo‘lgan.
“Albatta, ‘Barselona’ 0:2 hisobida yengilayotgan bo‘lganida, u bunday harakatlarni amalga oshirmasdi. Jamoa muxlislari uni tanqid ostiga olgan bo‘lardi. Men Neymarga ehtiyot bo‘lishni tavsiya qilaman, negaki u o‘zini xavf ostiga qo‘ymoqda. O‘yinchi jahl ustidagi raqibga duch kelishi mumkin, shunda u o‘z fintlaridan afsuslanadi”, – dedi Fransisko Salinas.
“Selta”ning yana bir sobiq futbolchisi Xavyer Mate ham fikr bildirib o‘tdi.
“Men maydonda bo‘lganimda, buni yoqtirgan bo‘lardim, – dedi u. – Men ‘Barselona’ uslubini hurmat qilaman, lekin ular boshqalarning noroziligini tushunishi lozim”.
Izoh (0)