“Barselona” jamoasi muxlislari himoyachi Xavyer Maskeranoni qo‘llab-quvvatlash maqsadida o‘ziga xos tashabbus bilan chiqdi. Argentinalik futbolchi Primeraning 24-turi doirasida “Selta”ga qarshi o‘tkazilgan uchrashuvdan so‘ng jamoa tarkibida maydonga chiqqan o‘yinlari soni bo‘yicha (264) Ronald Kuman bilan tenglashdi. Ammo Kumandan farqli ravishda, Maskerano shu paytga qadar biror marta raqib darvozasini ishg‘ol qila olmagan. Bu haqda “Chempionat” xabar bermoqda.
Shu tufayli jamoa muxlislari himoyachining o‘yinga qo‘shayotgan hissasini inobatga olgan holda, “Change.org” saytida “Barselona” hujumchisiga Lionel Messiga qaratilgan petitsiya tashkil qildi. Murojaatda aytilishicha, hujumchi o‘z jamoadoshi va vatandoshiga gol urishda yordam berishi adolatdan bo‘ladi.
“Messi, Maskerano penalti ijro etishiga imkon ber, u ‘Barselona’ uchun gol ursin. Bizning fikrimizcha, u ‘Barselona’ yulduzi sifatida yetarli darajada e’tirof etilmaydi. U jamoa uchun shu qadar ko‘p ish qildiki, haligacha tegishli e’tirofga sazovor bo‘lmaganini adolatsizlik hisoblaymiz. Buning eng oddiy usuli – unga penalti tepish imkoniyatini berish va biz Messidan shu ishni qilishni so‘raymiz”, – deyiladi murojaat matnida.
Maskerano hozirga qadar “Barselona” tarkibida 4 marta o‘z darvozasini ishg‘ol qilgan.
Izoh (0)