Messi va Suaresdan avval ijro etilgan “ikki kishilik” penaltilar (video)

Ispaniya chempionati doirasida o‘tkazilgan “Barselona” – “Selta” (6:1) uchrashuvida hujumchilar Lionel Messi va Luis Suares tomonidan ijro etilgan penalti ikki kundirki futbol ishqibozlari orasida muhokama qilinmoqda. Messi nuqtadan zarba berish o‘rniga to‘pni jamoadoshi Suaresga oshirdi, urugvaylik futbolchi esa “Selta” jamoasining darvozasini ishg‘ol qildi, deb yozadi “Segodnya.ua”.

Taxmin qilinishicha, shu yo‘l bilan sportchilar saraton xastaligiga qarshi kurashayotgan Yoxan Kroyffni qo‘llab-quvvatlagan, zero penaltini bunday shaklda ijro etish aynan Kroyff tufayli urf bo‘lgan.

Quyida bu uslub aks etgan bir qancha lavhalarni ko‘rishingiz mumkin bo‘ladi.

1957-yil. Belgiya – Islandiya. Rik Koppens.

1981-yil. “Ayaks” – “Xelmond”. Yoxan Kroyff.

2005-yil. “Arsenal” – “Manchester Siti”. Tyerri Anri va Rober Pires.

2016-yil. “Barselona” – “Selta”. Lionel Messi va Luis Suares.