Rossiya Liberal-demokratik partiyasi (RLDP) yetakchisi Vladimir Jirinovskiy mamlakat poytaxtini ko‘chirish g‘oyasini ma’qullab, buning uchun eng maqbul tanlov Magadan ekanligini bildirdi. Bu haqda “Gazeta.ru” xabar bermoqda.
“Aslida bu jug‘rofiy markaz bo‘lishi kerak: Samara, Yekaterinburg, Novosibirsk, hatto o‘rtadagi Krasnoyarsk ham bo‘lishi mumkin. Agar qiyofasi o‘zgartirilsa, Magadan eng maqbul tanlov bo‘lardi. Poytaxtni ko‘chirish loyihasi qimmatga tushadi, biroq uning kelajagi porloq”, — deya ta’kidlagan Jirinovskiy.
Eslatib o‘tamiz, oldinroq Rossiya Federatsiya kengashining Buryatiya Respublikasidan senatori Arnold Tuloxonov Rossiya poytaxtini mamlakat o‘rtasiga ko‘chirishni taklif qilgandi.
Izoh (0)