Janubiy Koreyaning birlashish masalalari bo‘yicha vazirligi Keson sanoat parkiga elektr yetkazib berilishi to‘xtatilishini ma’lum qildi. Bu haqda “RIA Novosti” xabar bermoqda.
10-fevral, chorshanba kuni Janubiy Koreya texnopark hududidagi korxonalar faoliyati to‘xtatilishi va u yerda mehnat qilayotgan fuqarolari evakuatsiyasi haqida e’lon qildi. KXDR ham o‘zining barcha hodimlarini olib chiqib ketdi va Janubiy Koreya bilan shoshilinch aloqa liniyalarini uzdi.
Janubiy Koreya sun’iy yo‘ldoshli raketa uchirilganiga javoban Pxenyanni daromad manbaidan mahrum etishga qaror qilgani bildirilmoqda. Hisob kitoblarga ko‘ra, KXDR ushbu sanoat hududi faoliyati orqasidan 616 milliard Janubiy Koreya voni (511 million dollar atrofida) miqdoridagi mablag‘ ishlab topgan.
Ma’lumot uchun, Keson texnoparki 2004-yilda, ikki davlat o‘rtasidagi munosabatlarda iliqlik kuzatilgan paytda ishga tushirilgandi.
Izoh (0)