12 февралнинг эътиборга молик янгиликлари — «Дарё»нинг кечки дайжестида.
1. Ислом Каримов тасдиқлаган 2016 йилги Давлат дастурига 7,48 трлн сўм ва 194 млн доллар йўналтирилади. Давлат дастури доирасида Мурувват уйларидаги ногирон болаларга кундузи қараш марказларини ташкил этиш режалаштирилмоқда, намунавий лойиҳалар асосида 13 мингта уй-жой барпо этиш кўзда тутилган.
2. Ўзбекистонда 7 март дам олиш куни деб эълон қилинди. Халқаро хотин-қизлар куни билан! Айтмоқчи, 5 март — иш куни.
3. Ўзбекистоннинг нобиометрик паспорти фақат Ўзбекистонга қайтиш ҳужжати сифатида ишлатилиши мумкин. Лекин чет элга чиқиш учун биометрик паспорт бўлиши шарт.
4. Ўзбекистонда 2016 йил биринчи чораги охиридан исталган пластик картадан бошқа картага пул ўтказиш имкони тақдим этилиши кутилмоқда. Ҳозирча бундай имконият фақат икки банкда, фақат банк доирасида мавжуд.
5. Ким Чен Ин Apple компаниясининг ноутбугидан фойдаланиши маълум бўлди. КХДР раҳбари тушган суратларда Apple компаниясининг техника маҳсулотлари борлиги бундан олдин ҳам бир неча маротаба қайд этилган.
Изоҳ (0)