Moskva Seuldan Shimoliy Koreyaga Rossiya raketa texnologiyalari yetkazib berilgani haqidagi so‘zlar isbotini talab qildi

Moskva Seuldan Shimoliy Koreyaga uzoq masofaga uchuvchi raketalar uchun Rossiya komponentlari yetkazib berilgani isbotini talab qiladi. Bu haqda Rossiya TIV qurollarni tarqatmaslik va ular ustidan nazorat departamenti direktori Mixail Ulyanov ma’lum qildi, deya xabar beradi “TASS”.

“Agar koreys tomoni yoki mamlakat OAVlarida komponentlarni yetkazib berishda bizdan gumon qilish uchun qandaydir asoslar bo‘lsa, ularni bildirish kerak. Mabodo dalillar bo‘lmasa, bunday uydirmalarga chek qo‘yish va kechirim so‘rashga chaqiraman. Bu oshkora tarzda amalga oshirilishi maqsadga muvofiq bo‘lardi”, — deya ta’kidlagan Ulyanov.

Eslatib o‘tamiz, oldinroq Shimoliy Koreya sun’iy yo‘ldoshi bo‘lgan raketa muvaffaqiyatli uchirilganini e’lon qilgandi.