Туркия президенти Ражаб Тоййиб Эрдўғон 10 февраль, чоршанба куни Вашингтон Суриянинг асосий курд ташкилотларини террорчилик ташкилотлари деб тан олишдан бош тортаётгани туфайли, минтақа «қонга ботгани» учун АҚШни айблади, деб ёзади «Ведомости».
«Сиз бизни на ‘Курдистон ишчилар партияси’ни, на ‘Демократик иттифоқ’ни, на ‘Ўз-ўзини мудофаа қилиш халқ отрядлари’ни тан олишга мажбур қила оласиз. Биз бу ташкилотларни ИШИдни билганимиз каби яхши биламиз. Сиз уларни ҳеч қачон террорчилик ташкилотлари деб тан олмаганингиз учун, минтақа қон денгизига айланди», — деди Туркия етакчиси.
«Сиз биз томондами ёки террорчилар томонидами? Бу қандай шерикчилик бўлди? Улар бизга тўғридан-тўғри ҳеч нарса демайди, аммо орқадан туриб қандайдир фактларни рад этмоқчи бўлади», — дея ғазабланди Эрдўғон.
Изоҳ (0)