Moskvaning sobiq meri Yuriy Lujkov Rossiya poytaxti rasmiylarining savdo pavilyonlarini ommaviy ravishda buzish haqidagi qarorini xato, deb hisoblamoqda. Uning so‘zlariga ko‘ra, hozir mamlakat iqtisodiyotida shuncha muammo bor paytda, kichik biznesga zarba berishning vaqti emas, deb xabar beradi “RBK”.
Sobiq merning aytishicha, ko‘pgina do‘konlarning egalari o‘z faoliyati uchun rasmiy ruxsatnomaga ega bo‘lgan.
“Bunday do‘konlarda ishlovchi ko‘plab odamlar o‘z uylarini garovga qo‘ygan, ularning ko‘pchiligida katta pullar yo‘q. Ularga va umuman kichik biznesga boshqacha munosabatda bo‘lish lozim”, — dedi Lujkov.
9-fevral, seshanbaga o‘tar kechasi Moskva rasmiylari tomonidan ruxsatsiz qurilgan deb topilgan do‘konlarni buzish ishlari boshlandi. Moskva shahrinin Ko‘chmas mulk bo‘yicha davlat inspeksiyasi rahbari Sergey Shogurov shaharning turli tumanlarida 97 ta obyekt buzilganini ma’lum qildi.
Izoh (0)