Yevroittifoqning Rossiyadagi vakolatxonasi rahbari Vigaudas Ushatskas “PARNAS” (Xalq ozodlik partiyasi) rahbari Mixail Kasyanov bilan telefon orqali suhbatlashdi va Checheniston yetakchisi Ramzan Qodirov tomonidan bo‘lgan tahdidlardan “hayratga tushgani”ni bildirdi, deb yozadi “Gazeta.ru”.
Yevropa Ittifoqining Rossiyadagi vakolatxonasi rasmiy saytida aytilishicha, Ushatskas “qotillikka qaratilgan bunday jirkanch va oshkora tahdidlardan hayratga tushgani, bunga chidab bo‘lmasligini ta’kidlagan.
U mamlakat hukumati va huquqni himoya qilish organlari zudlik bilan chora ko‘rishiga umid bildirdi hamda Qodirovning siyosiy muxolifatga qarshi so‘nggi da’volarini “demokratik jamiyat uchun nomaqbul” deb atadi.
Eslatib o‘tamiz, “Yabloko” partiyasining federal siyosiy qo‘mitasi a’zosi Sergey Mitroxin Federal xavfsizlik xizmati rahbari Aleksandr Bortnikov va bosh prokuror Yuriy Chaykaga Checheniston rahbari Ramzan Qodirovga nisbatan jinoyat ishi qo‘zg‘atishni so‘rab murojaat qildi.
Izoh (0)