Milliarder Donald Tramp AQSh prezidentligiga saylovlarda Respublikachilar partiyasidan nomzod bo‘lishga da’vogarlar orasida yetakchilikni saqlab qolmoqda. Bu haqda “Interfaks” xabar bermoqda.
CNN telekanali va ORC tadqiqot kompaniyasi tomonidan o‘tkazilayotgan so‘rovdaTramp ilk bor reytingning 40 foizlik chegarasini hatlab o‘tdi — so‘rov o‘tkazilganlarning 41 foizi uni yoqlagan.
Mazkur ko‘rsatkich uning asosiy raqibi — Texas shtatidan senator Ted Kruz reytingidan ikki barobar ko‘p: uni so‘rovda qatnashganlarning 19 foizi qo‘llab-quvvatlashga tayyor. Tramp dekabrga nisbatan reytingiga 2, Kruz esa 1% qo‘shishga erishgan.
Qolgan boshqa nomzodlarning qo‘llab-quvvatlanish darajasi pasaygan va o‘n foizga ham yetmaydi.
Izoh (0)