Suriya prezidenti Bashar Asad Rossiyadan siyosiy boshpana so‘ragani yo‘q. Bu haqda Rossiya tashqi ishlar vaziri Sergey Lavrov 2015-yil yakunlariga bag‘ishlangan matbuot anjumanida aytib o‘tdi, deb yozadi “TASS”.
“Hech qanday siyosiy boshpana haqida hech kim so‘ragani yo‘q, hech kim bunday narsani taklif ham qilgani yo‘q”, — deya ta’kidladi vazir.
Lavrov, shuningdek, OAVlarning Bosh razvedka boshqarmasi sobiq rahbari Asadga iste’foga chiqishni taklif qilgani haqidagi xabarlarini rad etdi.
Izoh (0)