Futbol bo‘yicha 2016-yilgi U-23 Osiyo chempionatida guruh bosqichi bahslari yakuniga yetdi va musobaqa chorak finalchilari nomi ma’lum bo‘ldi.
Guruh bosqichining so‘nggi uchrashuvlari 20-yanvar kuni bo‘lib o‘tdi. Bosqichning so‘nggi, 3-turida o‘tkazilgan barcha uchrashuvlari natijalari bilan quyida tanishish mumkin:
U-23 Osiyo chempionati “A” guruhi, 3-tur uchrashuvlari 18-yanvar, dushanba Qatar — Suriya 4:2 (3:1) Gollar: Abdulkarim Hasan (10), Ahmad A’lo (24, 82), Almuaz Ali (28) — Yusuf Kalfa (4), Umar Xarbin (81, penalti).
Eron — Xitoy 3:2 (2:1) Gollar: Amir Mutahariy (38), Ehson Pahlavon (40), Mahdi Torobiy (48) — Chang Feyya (40), Liao Lishen (70, penalti).
Guruhdan Qatar va Eron terma jamoalari keyingi bosqichga chiqdi.
“B” guruhi, 2-tur uchrashuvlari 19-yanvar, seshanba Saudiya Arabistoni — Yaponiya 1:2 (0:1) Gollar: Abdulloh Madu (57, penalti) — Riota Oshima (32), Yosuke Ideguchi (53).
Shimoliy Koreya — Tailand 2:2 (2:1)Gollar: Kim Yon Ir (17), Yun Ir Kvan (45) — Narubadin Viravatnodom (30), Chanatip Songkrasin (78).
Guruhdan Yaponiya va Shimoliy Koreya terma jamoalari keyingi bosqichga chiqdi.
“C” guruhi, 3-tur uchrashuvlari 19-yanvar Iroq — Janubiy Koreya 1:1 (0:1) Gollar: Amjad Volid Husayn (90+2) — Kim Xyun (22).
O‘zbekiston — Yaman 3:1 (1:0) Gollar: Javohir Sohibov (18), Igor Sergeyev (68), Jaloliddin Masharipov (90+3) — Ahmad as-Saroriy (82).
Guruhdan Janubiy Koreya va Iroq terma jamoalari keyingi bosqichga chiqdi.
“D” guruhi, 3-tur uchrashuvlari 20-yanvar, chorshanba Iordaniya — Avstraliya 0:0
BAA — Vetnam 3:2 Gollar: Pam Xoan Lam (65, avtogol), Muhammad al-Akbariy (74), Ahmad Husayn al-Hashmiy (78, penalti) — Nguen Song (24, penalti), Nguen Tuan An (68).
Guruhdan BAA va Iordaniya terma jamoalari keyingi bosqichga chiqdi.
U-23 Osiyo chempionati chorak final uchrashuvlari 22—23-yanvar kunlari bo‘lib o‘tadi. Unda quyidagi juftliklar o‘zaro bahs olib boradi:
U-23 Osiyo chempionati Chorak final uchrashuvlari 22-yanvar, jumaYaponiya — EronQatar — Shimoliy Koreya
23-yanvar, shanbaJanubiy Koreya — IordaniyaBAA — Iroq
Musobaqada dastlabki uch o‘rinni egallagan terma jamoalar 2016-yil yozida Braziliyaning Rio-de-Janeyro shahrida tashkil etiladigan Olimpiya o‘yinlarida qatnashish huquqini qo‘lga kiritadi.
Eslatib o‘tamiz, Samvel Babayan qo‘l ostidagi O‘zbekiston olimpiya terma jamoasi musobaqa guruh bosqichining Janubiy Koreya va Iroqqa qarshi dastlabki ikki o‘yinida mag‘lub bo‘lib, Olimpiada yo‘llanmasi uchun kurashdan chiqqandi.
Izoh (0)