“Barselona” hujumchisi Lionel Messi o‘zini Yevropaning boshqa biron klubida tasavvur qilolmasligini ma’lum qildi, deb xabar beradi “Stadion.uz”.
“Har doim aytib kelganman, ‘Barselona’ — mening uyim va faoliyatimni shu yerda tugatmoqchiman. Men bu yerda Yevropadagi faoliyatimni nazarda tutmoqdaman. Yevropaning boshqa hech qaysi klubida o‘ynay olmayman. Ammo kelajakda Argentinaga qaytish istagim bor, chunki vatanimni juda yosh paytimda tark etganman.
Argentina futboli havosidan bahra olmoqchiman. Futbolda hamma narsa bo‘lishi mumkin, ammo men shu yerda, ‘Barselona’da qolishni istayman”, — deya Messining so‘zlarini keltiradi France Football.
Izoh (0)