“Barselona” hujumchisi Lionel Messi soliq to‘lashdan bo‘yin tovlashga oid ish bo‘yicha 31-may kuni sudda javob beradi. Sud muhokamasi Barselonada 3-iyunga qadar davom etadi, deya xabar beradi “TASS”.
Argentinalik futbolchi va uning otasi Xorxe Orasio Messi 4,1 million yevro miqdoridagi soliqlarni to‘lamaganlikda ayblanmoqda. Prokurorning ma’lumotlariga ko‘ra, o‘yinchi 2007—2009-yillarda olingan daromaddan soliq to‘lamagan.
Messi Ispaniya g‘aznasiga 10 million yevro to‘lagan va unga qarshi ochilgan ish to‘xtatilishi uchun yana 15 million yevro berishga tayyor bo‘lgan, biroq mahalliy rasmiylar bundan bosh tortgan.
Izoh (0)