Fransiya futbol federatsiyasi prezidenti Noel Le Gre shantajda gumon qilinayotgan “Real” hujumchisi Karim Benzema mamlakat terma jamoasidan chetlatilishi bilan bog‘liq vaziyatga izoh berdi. Bu haqda L'Equipe xabar bermoqda.
“Yaxshi va yomon insonlarni ta’limda ham, biznesda ham, istalgan joyda uchratish mumkin. Benzema juda yomon muhitda o‘sgan, ushbu vaziyatda esa uning nodonligi oshkor bo‘lib qoldi. U o‘zini g‘irt eshak kabi tutgan. Aslida hozirgi holatda aql o‘rgatish kimgadir naf berishiga ishonmayman”, — deya fikr bildirgan Le Gre.
Eslatib o‘tamiz, Karim Benzema Fransiya terma jamoasi safidan o‘tgan yilning 10-dekabrida noma’lum muddatga chetlatildi. U shu yili yurtida bo‘lib o‘tadigan Yevropa chempionati o‘yinlarini o‘tkazib yuborishi mumkin.
Izoh (0)