Villi laqabli it 2009-yilda yo‘qolib qolganidan so‘ng, oradan olti yil o‘tib Las-Vegasdagi (AQSh) egalariga qaytib keldi. Bu haqda “Gazeta.ru” xabar bermoqda.
11 yoshli shetlend ovcharkasi (shelti) egalarining hikoya qilishicha, Villi va uning birodari Veylon Nevada tog‘laridagi dam olish chog‘ida quyon ortidan quvgan, biroq ulardan biri ortiga qaytmagan. Uni bir hafta davomida qidirishlar natija bermagan.
Rojdestvo bayramlari arafasida Elko okrugidagi qarovsiz itlar boshpanasidan Las-Vegasdagi kvartiraga qo‘ng‘iroq bo‘ladi — itning egalari jonivordagi mikrochip orqali aniqlanadi. Ma’lum bo‘lishicha, Villini 2009-yili mahalliy sherif topgan va keyinchalik shu yerlik ayolga bergan. Bir necha yildan so‘ng it yana qochib ketadi va bu gal boshpana xodimlari tomonidan topiladi.
Izoh (0)