Microsoft asoschisi Bill Geyts va uning turmush o‘rtog‘i Melinda dunyodagi eng boy oilaviy juftlik deya tan olindi. Bu haqda MarketWatch xabar bermoqda.
Nashr manba sifatida foydalangan Wealth-X konsalting kompaniyasi tadqiqotlarida er-xotin Geytslarning mol-mulki 85,7 milliard dollar baholangan. Ikkinchi o‘rinni Ispaniya kiyimlar reteyleri — Inditex asoschisi Amansio Ortega va uning rafiqasi Flora Peres egalladi (70,7 milliard dollar). Uchinchi o‘rinda 65 milliard dollar kapital to‘plagan Uorren Baffet va Astrid Menks qayd etildi.
Facebook asoschisi Mark Sukerberg va uning xotini Prissilla Chan 38,5 milliard dollar bilan to‘qqizinchi o‘ringa loyiq ko‘rildi. Ular mazkur ro‘yxatdagi eng yosh juftlik deb topildi.
Izoh (0)