Murmansk viloyati gubernatori Marina Kovtun yanglishib, 2014-yil avgustida olingan Olenogorskdagi maxfiy harbiy aerodrom suratini e’lon qilib yubordi. Bu haqda “Gazeta.ru” xabar bermoqda.
Gubernator fotosuratni Twitter’da, Rossiya uzoq masofaga uchuvchi aviatsiyasi kuni bilan tabrik ostiga joylashtirgan. Bir necha daqiqadan so‘ng aerodrom va undagi samolyotlar fotosi joylashtirilgan tvit ijtimoiy tarmoqdan olib tashlandi. Harbiy manbalarning ta’kidlashicha, gubernator omma uchun mo‘ljallanmagan, ruxsat berilmagan suratni chop etgan bo‘lishi mumkin.
Murmansk hukumati matbuot xizmati rahbari Dmitriy Ishenkoning aytishicha, foto tegishli maxfiy xizmatlar ruxsati bilan olingan. Uning Twitter’dan yo‘qolishi esa texnik muammolar bilan bog‘liq.
Olenegorskdagi aerodrom Rossiya harbiy-koinot kuchlari tomonidan IShID marralariga zarba berish uchun foydalaniladi.
Izoh (0)