Xitoyning Guandun provinsiyasi ma’muriy markazi Guanchjou shahri Xitoy Kommunistik partiyasi qo‘mitasi sobiq kotibi Van Sinlyan 111,25 million yuan (17,2 million dollar) pora olishda ayblanib, sud qilindi, deb yozadi “TASS”.
Ayblov xulosasida aytilishicha, Van Sinlyan ushbu mablag‘ni 2000-yildan 2014-yilgacha bo‘lgan davr ichida boshqa shaxslarga manfaatli shartnomalarni qo‘lga kiritishda ko‘maklashgani yoki xizmat martabasi ko‘tarilishiga yordam qilgani uchun olgan.
Sud majlisida Van Sinlyan o‘ziga qo‘yilgan ayblarni tan oldi. Uning ishi bo‘yicha sud hukmi keyinroq chiqariladi.
Izoh (0)