Вашингтон штатидаги (АҚШ) фойдаланишдан чиқарилган Хэнфорд мажмуи миллий боғга айлантирилади. Бу ерга келувчилар радиоактив чиқиндилар сақланадиган ҳудудга қадамлари етмаслиги айтилмоқда, дея хабар беради «Газета.ru».
«Барча нарса тозаланган ва мутлақо хавфсиз. Радиоактив моддалар бир қанча километр узоқликдаги масофада жойлашган», — дея маълум қилди АҚШ энергетика вазирлиги вакили Колин Френч.
АҚШ миллий боғлар хизмати вакили Чип Женкинснинг айтишича, боғда олимлар ва ишчи-ходимлар фаолиятига оид ҳужжатлар, шунингдек, Нагасакига (Япония) ташланган атом бомбаси тарихи намойиш этилади.
1943 йилда қурилган Хендфорд мажмуида плутоний ишлаб чиқаришга мўлжалланган реактор жойлаштирилган. Мазкур реакторда тайёрланган плутонийдан 1945 йилда Нагасаки шаҳрига ташланган атом бомбасини яратишда фойдаланилган.
Изоҳ (0)