Rossiyaning “Shvabe” xoldingi O‘zbekistonga neonatal va boshqa tibbiy uskunalar yetkazib berishni boshlamoqchi, deya xabar beradi “RIA Novosti”.
Moskvada bo‘lib o‘tgan “Sog‘liqni saqlash — 2015” xalqaro ko‘rgazmasida O‘zbekiston vakillari bilan bitim tuzilgan. Unga ko‘ra, 2016-yil yanvarida xolding O‘zbekiston tijorat sektori bilan davra suhbatida qatnashadi, u yerda ushbu mintaqa klinikalarini jihozlash uchun “Shvabe” tibbiy uskunalarini yetkazib berish bo‘yicha shartnoma imzolanishi kutilmoqda.
Xolding ayni paytda neonatal, oftalmologik, anesteziologik, reanimatsion, kardiologik va diagnostik uskunalardan iborat ikki yuzdan ortiq nomdagi tibbiy buyumlarni ishlab chiqaradi.
Izoh (0)