Iroqda yashovchi erkak AQShda “Oregon Megabaks” lotereyasida 6,4 million dollar yutib oldi. Bu haqda “RIA Novosti” xabar bermoqda.
Lotereyani tashkil etgan kompaniya vakilining ma’lum qilishicha, g‘olib 24-avgustda xarid qilgan chiptasini 1-dekabr kuni kompaniyaning Oregon shtati, Seylem shahridagi shtab-kvartirasida taqdim etgan. U o‘z yutug‘ini 25 yil davomida har yili 256 ming dollardan olib turishni ma’qul ko‘rgan.
Tashkilotchilar lotereyani yutib olganlarga noma’lum bo‘lib qolishni man etsa-da, mazkur holatda erkakning shaxsini oshkor etmaslik to‘g‘risidagi iltimosi qondirilgan: iroqlik o‘z yurtiga qaytganidan so‘ng xavfsizligidan xavotirlangan.
Izoh (0)