Mark Sukerberg ta’na-malomatlarga qolayotgan musulmonlarni qo‘llab-quvvatlashini ma’lum qildi

Facebook rahbari Mark Sukerberg Parijdagi teraktlardan so‘ng butun dunyoda ta’na-malomatlarga duch kelayotgan musulmonlarni qo‘llab-quvvatlaydi. Bu haqda u 10-dekabr, payshanba kuni Facebook’dagi sahifasida ma’lum qilgan, deya xabar beradi “TASS”.

“Facebook rahbari sifatida bizda ro‘yxatdan o‘tgan barcha musulmonlarga ularni tarmog‘imizda ekanliklaridan mamnunligimizni bildiraman. Biz hamjihatlikda huquqlaringiz uchun kurashamiz va tarmog‘imizda do‘stona muhit yaratishga harakat qilamiz. O‘zaro ishonchni yo‘qotmasligimiz lozim. Bir-birimizda yaxshi tomonlarni ko‘ra olsak, har birimiz va yer yuzidagi barcha insonlar uchun eng a’lo bo‘lgan dunyoni barpo etishimiz mumkin”, — deya ta’kidlagan Sukerberg.