Ироқда яшовчи эркак АҚШда «Орегон Мегабакс» лотереясида 6,4 миллион доллар ютиб олди. Бу ҳақда «РИА Новости» хабар бермоқда.
Лотереяни ташкил этган компания вакилининг маълум қилишича, ғолиб 24 августда харид қилган чиптасини 1 декабрь куни компаниянинг Орегон штати, Сейлем шаҳридаги штаб-квартирасида тақдим этган. У ўз ютуғини 25 йил давомида ҳар йили 256 минг доллардан олиб туришни маъқул кўрган.
Ташкилотчилар лотереяни ютиб олганларга номаълум бўлиб қолишни ман этса-да, мазкур ҳолатда эркакнинг шахсини ошкор этмаслик тўғрисидаги илтимоси қондирилган: ироқлик ўз юртига қайтганидан сўнг хавфсизлигидан хавотирланган.
Изоҳ (0)