“O‘zbekistonning yetti mo‘jizasi” aksiyasining ikkinchi, ya’ni mamalakat viloyatlari bo‘yicha yetakchilarni aniqlash bosqichi yakunlandi. Aksiyaning asosiy yettitaligi uchun ovoz berish esa davom etmoqda. Bu haqda ZiyoNET matbuot xizmati xabar bermoqda.
Aksiyani o‘tkazish vaqtida O‘zbekistonning 380 dan ziyod madaniyat obyektlari bazasi to‘plandi. Ko‘pchilik ovoz beruvchilarning tanlovi noan’anaviy bo‘ldi, buni aksiyaning viloyatlar bo‘yicha yetakchilar ro‘yxatida ko‘rish mumkin.
Andijon viloyati
Bibi Seshanba ziyoratgohiQutayba ibn Muslim maqbarasi(Ikki obyekt ham bir xil ovozga ega bo‘ldi)
Buxoro viloyatiPoyi Kalon ansambli
Jizzax viloyatiZomin tog‘lari
Qashqadaryo viloyatiOqsaroy
Navoiy viloyatiJaraquduq hududidagi “Tosh o‘rmon”
Namangan viloyatiChodak masjidi
Samarqand viloyatiRegiston ansambli
Surxandaryo viloyatiBoy-Buloq g‘ori
Sirdaryo viloyati“Sayxun” qo‘riqxonasi
Farg‘ona viloyatiQurbonko‘l (Moviy ko‘l)
Xorazm viloyatiIchan Qal’a
Toshkent viloyatiChorvoq suv ombori
Qoraqalpog‘iston RespublikasiI.V.Savitskiy nomidagi Qoraqalpog‘iston san’at muzeyi
Toshkent shahriToshkent teleminorasi
Eslatib o‘tamiz, “O‘zbekistonning yetti mo‘jizasi” aksiyasida O‘zbekiston tarixi rivojiga o‘z hissasini qo‘shib, kelajak avlodga mamlakat madaniy merosini topshirish istagidagi barcha xohlovchilar ishtirok etishi mumkin.
Aksiya yakuniga ko‘ra eng ko‘p ovozga ega yodgorliklar rasmiy ravishda “O‘zbekistonning yetti mo‘jizasi” sirasidan joy egallaydi.
“O‘zbekistonning yetti mo‘jizasi” O‘zbekistonning madaniy merosiga yig‘ilgan obyektlar hay’at yoki belgilangan komissiya yordamida emas, balki ZiyoNET’da ro‘yxatdan o‘tgan foydalanuvchining bergan ovozi yordamida aniqlanadi.
Izoh (0)