«Ўзбекистоннинг етти мўъжизаси» акциясининг иккинчи, яъни мамалакат вилоятлари бўйича етакчиларни аниқлаш босқичи якунланди. Акциянинг асосий еттиталиги учун овоз бериш эса давом этмоқда. Бу ҳақда ZiyoNET матбуот хизмати хабар бермоқда.
Акцияни ўтказиш вақтида Ўзбекистоннинг 380 дан зиёд маданият объектлари базаси тўпланди. Кўпчилик овоз берувчиларнинг танлови ноанъанавий бўлди, буни акциянинг вилоятлар бўйича етакчилар рўйхатида кўриш мумкин.
Андижон вилояти
Биби Сешанба зиёратгоҳиҚутайба ибн Муслим мақбараси(Икки объект ҳам бир хил овозга эга бўлди)
Бухоро вилоятиПойи Калон ансамбли
Жиззах вилоятиЗомин тоғлари
Қашқадарё вилоятиОқсарой
Навоий вилоятиЖарақудуқ ҳудудидаги «Тош ўрмон»
Наманган вилоятиЧодак масжиди
Самарқанд вилоятиРегистон ансамбли
Сурхандарё вилоятиБой-Булоқ ғори
Сирдарё вилояти«Сайхун» қўриқхонаси
Фарғона вилоятиҚурбонкўл (Мовий кўл)
Хоразм вилоятиИчан Қалъа
Тошкент вилоятиЧорвоқ сув омбори
Қорақалпоғистон РеспубликасиИ.В.Савицкий номидаги Қорақалпоғистон санъат музейи
Тошкент шаҳриТошкент телеминораси
Эслатиб ўтамиз, «Ўзбекистоннинг етти мўъжизаси» акциясида Ўзбекистон тарихи ривожига ўз ҳиссасини қўшиб, келажак авлодга мамлакат маданий меросини топшириш истагидаги барча хоҳловчилар иштирок этиши мумкин.
Акция якунига кўра энг кўп овозга эга ёдгорликлар расмий равишда «Ўзбекистоннинг етти мўъжизаси» сирасидан жой эгаллайди.
«Ўзбекистоннинг етти мўъжизаси» Ўзбекистоннинг маданий меросига йиғилган объектлар ҳайъат ёки белгиланган комиссия ёрдамида эмас, балки ZiyoNET’да рўйхатдан ўтган фойдаланувчининг берган овози ёрдамида аниқланади.
Изоҳ (0)