Ust-Kamenogorskda (Qozog‘iston) nomini oshkor etmagan yigit jamoat transportida Rossiya prezidenti Vladimir Putinning qiyofadoshini suratga tushirdi. Mazkur surat “VKontakte” ijtimoiy tarmog‘ida paydo bo‘ldi. Bu haqda “Tengrinews.kz” xabar bermoqda.
“Kechki payt, taxminan soat sakkizlarda 6-marshrut avtobusiga chiqdim. Qarshimda o‘tirgan erkak ko‘zimga Putinga juda o‘xshash ko‘rindi. Uni fotosuratga tushirmaslikning iloji yo‘q edi. Axir har kuni ham avtobusda Putinning qiyofadoshini uchratavermaysiz”, — deyiladi suratga ilova qilingan matnda.
Izoh (0)