Kanada bosh vaziri Jastin Tryudo Buyuk Britaniya qirolichasini keksayganini his etishiga majbur qildi. Bu haqda Yelizaveta II Maltada o‘z ishini boshlagan Millatlar hamdo‘stligi sammitidagi chiqishida hazilomuz ma’lum qildi, deya xabar beradi “Exo Moskvi”.
43 yoshli Tryudo tantanali banket chog‘ida to‘planganlarga sammitdagi eng yosh bosh vazir ekanligini eslatib o‘tdi. Shundan so‘ng hazrati oliyalari Kanadaga juda ko‘p tashrif buyurgani va mamlakatni “ko‘pchilik kanadaliklardan ko‘ra yaxshiroq bilishi”ni ta’kidladi.
Millatlar hamdo‘stligi rahbari hisoblanadigan qirolicha, o‘z navbatida, sammit qatnashchilariga murojaat etib, “Kanada bosh vaziriga rahmat, qanchalik keksayganligimni his qilishga majbur etdi”, — deya tabassum qildi.
Eslatib o‘tamiz, Buyuk Britaniya qirolichasi kelgusi yilning 21-aprelida 90 yilligini nishonlaydi.
Izoh (0)