Milliy birlik hukumatigina Liviyani jipslashtiradi va mamlakatda barqarorlikni qayta tiklaydi. Bu haqda 27-noyabr kuni AQSh Davlat departamenti tomonidan tarqatilgan bayonotda aytiladi, deb yozadi “TASS”. U AQSh, Jazoir, Fransiya, Germaniya, Italiya, Marokko, Ispaniya, Tunis, BAA, Buyuk Britaniyaning qo‘shma bayonotidir.
“Biz eng qat’iy tarzda barcha tomonlarni milliy hamjihatlik hukumatini shakllantirishga chaqiramiz. Faqat ugina samarali va qonuniy boshqaruvni joriy qilish, barqarorlikni qayta tiklash va mamlakatda birlikni saqlab qolishdan iborat murakkab ishga kirishish imkonini beradi”, — deyiladi hujjatda.
Mamlakatlar, shuningdek, nizo tomonlari vakillari — Tobrukdagi xalqaro darajada tan olingan Vakillar palatasi va Umumiy milliy kongress ko‘rayotgan choralarni ma’qulladi.
Izoh (0)