Qrimda 23-noyabr, dushanba elektr energiyasi tanqisligi tufayli dam olish kuni bo‘ladi. Oldinroq yarimorolda favqulodda holat joriy etgan Qrim rahbari Sergey Aksenov shunday qaror qabul qildi, deya xabar beradi Meduza.
Rossiya energetika vazirligi ma’lumotlariga ko‘ra, 22-noyabr, yakshanba kun yarmiga kelib qrimliklarning atigi 27 foizi elektr bilan ta’minlangan, 1,6 milliondan ziyod kishi ta’minotsiz qolgan. Yarimorolda elektr energiyasi tanqisligi Qrimga elektr uzatiladigan Ukrainaning Xerson viloyatidagi qurilmalar ustunlari noma’lum kimsalar tomonidan portlatib yuborilganligi oqibatida yuzaga keldi. Mazkur hodisa tufayli yarimorol deyarli to‘liq energiyasiz qoldi.
Qrim rasmiylari shoshilinch ravishda zaxira yoqilg‘isidan foydalanishga o‘tdi hamda elektr va suv yetkazib berilishini chekladi. Shuningdek, keyinchalik elektr berilishi boshlangan fuqarolar uni tejash va isitgichlardan foydalanmaslikka chaqirildi. Sevastopolda trolleybus qatnovi bekor qilindi.
Izoh (0)