Myanmaning Chin shtati, Xakxa shahridagi turar-joyda ro‘y bergan portlash oqibatida olti kishi, jumladan, chaqaloq nobud bo‘ldi. Bu haqda “RIA Novosti” xabar bermoqda.
Ma’lumotlarga ko‘ra, portlash bir uyni butkul vayron qilgan, qo‘shni uylar ham jiddiy shikastlangan. Turar-joyda bo‘lgan olti kishining barchasi, jumladan, chaqaloq ham halok bo‘lgan. Tergov uyda qo‘lbola bomba portlagan bo‘lishi mumkinligini taxmin qilmoqda, chunki uning vayronalarida portlovchi modda zarralari topilgan.
Hodisa sodir bo‘lgan Chin shtati Birmada (Myanmaning avvalgi nomi) 1949-yildan o‘tgan asrning 90-yillarigacha davom etgan fuqarolik urushi chog‘ida ko‘plab to‘qnashuvlar maydoniga aylangan, biroq keyingi paytlarda bu hududda etnik qurolli guruhlar va hukumat qo‘shinlari o‘rtasida to‘qnashuvlar yuz bermagandi.
Izoh (0)